Toshkent davlat agrar universiteti

   Ushbu loyiha davomida Toshkent Davlat agrar universiteti binosining ko'p yillardan beri faoliyat yuritib kelayotgan bir qismini rekonstruksiya qilish rejasini amalga oshirdik. Hududda turli funktsiyalarga ega uchta qurilish bloklari mavjud bo'lib, ularni birlashtirish va talabalarning ilmiy izlanishlari uchun qulay shart-sharoitlarni yaratish kerak edi.

    Hududning janubiy qismidagi eski laboratoriya binosi coworking talablariga moslashtirilgan bo'lib, o'quv binosi bilan bilvosita shisha ko'prik orqali bog'langan. Birinchi jarayonlardan boshlab biz binoning mavjud derazalarini, ularning prizmatik shakllar bilan ziddiyatli uyg'unligini saqlashga harakat qildik.

   Shimoliy qismdagi o‘quv binolari odatiy fasad, qator ritmik derazalar va sinf xonalardan iborat. Biz tabiiy g'isht va bir qator dinamik oynalar tufayli old qismni qiziqarli qilishni maqsad qildik. Shuningdek, biz tashrif buyuruvchilarga ijobiy kayyat bag'ishlash uchun asosiy kirish joyida portal loyihalashtirdik.

Toshkent | 29-Iyun, 2022-yil